Er þetta samfélag?

Það er greinilegt hvar þessum hagfræðiprófessor finnst að hagsmunum sínum sé best borgið. Sannkallaður alþjóðakapítalisti - enda borgar auðvaldið betur en skítugur og fátækur almúginn. Kerfið er rotið þar sem það þjónar fyrst og fremst hagsmunum ákveðinna hópa samfélagsins og nú að sjálfsögðu þeim fræðimönnum sem vilja sína því stuðning. Það væri líka synd ef (almúginn) þeir sem sjá um raunverulega verðmætasköpun fengu nú loks það sem réttilega er þeirra. Það er allt öfugsnúið í ummælum Þórólfs Matthíassonar. Hvernig getur það þjónað til dæmis hagsmunum Íslendinga(ath. á heildina litið) að taka á sig óréttlátar skuldarbyrðar? Er það til þess fallið að greiða fyrir velferðarkerfinu (meiri skuldir = meiri niðurskurður)? Er það til þess fallið að sporna við óréttlátu og ómanneskjulegu bankakerfi? En að sjálfsögðu það sem skiptir kannski einnar mest máli er að verið er að þröngva þessum skuldum á okkur óréttilega. Bankamenn hafa komist upp með að hirða mest allan auðinn á meðan almennur borgari sem fær laun nærri meðallagi, fyrir sitt framlag til samfélagsins, stritar til að eiga fyrir húsaskjóli. Og nú á að ganga skrefinu lengra og bjóða okkur að greiða niður bankabraskið á meðan verið er að afskrifa skuldir ýmissa útrásarvíkinga. Hefur þetta fólk engin takmörk hvað þá samvisku?

Gegn hagsmunum Íslands